Intro
Bhadon ki andheri raat me jab Shri Krishna ka janm hua, to dusre din Gokul me Nand Baba ke ghar khushi ki lehar daud gayi. Isi ko Nandotsav kehte hain. Har jagah bas ek hi awaaj goonj rahi thi – Nand Ghar Anand Bhayo, Jai Kanhaiya Lal Ki!
Nandotsav Kya Hai?
Janmashtami ke agle din Gokul me Nand Baba ne apne putra ke janm ki khushi me pure gaon ko makhan, mishri, kapde aur gahne baante the. Gopiyan nach rahi thi, dhol-nagade baj rahe the. Yahi din aaj bhi Nandotsav ke roop me manaya jata hai.
Nandotsav / Nand Ghar Anand Bhayo Pooja Samagri:
1. Laddu Gopal ko naye peele vastra
2. Phoolon ka jhula, genda ke phool ki mala
3. 5 Makhan ki matkiyan, Mishri, Panjiri
4. Haldi, Kumkum, Chandan, Itr
5. Dhol, Manjira (Aarti ke liye)
6. Gau (gaay) ki mitti, Tulsi 7. Naye kapde aur khilone
Pooja Vidhi – Nand Ghar Me Kaise Pooja Kare:
1. Subah jaldi uth kar Laddu Gopal ko panchamrit se snan karaye.
2. Unhe naya peela vastra pehnaye aur jhule me virajman kare.
3. Aangan me rangoli banaye aur ghar ko aam ke patto ke toran se sajaye.
4. Makhan-Mishri ka bada bhog lagaye, is din 56 bhog ka bahut mahatva hai.
5. “Nand Ghar Anand Bhayo” bhajan gaate hue Gopal ko jhula jhulaye.
6. Ant me Nand Baba aur Yashoda Maiya ki aarti kare aur sabko prasad baante.
Katha Na Kare To Kya Hota Hai?
Agar Nandotsav ke din khushi nahi manate, makhan nahi baant-te to ghar me barkat nahi aati. Shastra kehte hain is din anand manane se ghar me putra sukh, dhan sukh milta hai aur saare dukh door hote hain.
