1. Devki Vasudev ka Varnan
Devki Maharaj Ugrasen ki beti aur Kans ki behen thi. Vasudev Yadav kul ke pramukh Shursen ke putra the. Kans ko akashwani hui thi ki Devki ka 8va putra hi uska vadh karega, isliye Kans ne dono ko Mathura ke karagar me band kar diya. Karagar me hi unke 7 bachho ko Kans ne maar diya.
2. Shri Krishna ka Janm
Bhadrapad ke Krishna Paksh ki Ashtami, Rohini Nakshatra, aadhi raat ko, ghanaghor varsha me Bhagwan Vishnu ne Devki ke garbha se 8ve putra ke roop me janm liya. Janm lete hi chaturbhuj roop dharan kiya, fir Vasudev ji ki prarthana par balak roop ban gaye. Tabhi karagar ke taale khud khul gaye, pehredar so gaye.
3. Yashoda Maa ka Varnan
Gokul me Nand Baba ki patni Yashoda Maa ne usi samay ek kanya ko janm diya jo Yogmaya thi. Yashoda Maa ko gehari neend me hone se kuch pata hi nahi chala. Vasudev ji Yamuna paar karke Krishna ko Yashoda ki god me sula aaye aur Yogmaya ko le aaye. Yashoda Maa ne hi Shri Krishna ka palan-poshan kiya, isliye Krishna ko Yashodanandan bhi kehte hain.
4. Janmashtami Pooja Samagri
• Bal Gopal ki murti / Laddu Gopal
• Jhula, naye vastra, mor mukut
• Panchamrit (Doodh, Dahi, Ghee, Shahad, Gangajal)
• Tulsi patra, phool, chandan, kumkum • Makhan-Mishri, Panjiri, Kheer, Laddoo • Dhoop, deep, ghanta, shankh
5. Pooja Vidhi
1. Shaam ko vrat rakhe, ghar ko ganga jal se pavitra kare.
2. Ek chowki par lal kapda bichha kar Bal Gopal ko sthapit kare.
3. Raat 12 baje se pehle Panchamrit se abhishek kare.
4. Naye vastra pehna kar mor mukut lagaye, jhule me jhulaye.
5. Makhan-Mishri ka bhog lagaye aur “Om Kleem Krishnaya Namah” mantra ka jaap kare.
6. Aarti karke charno me tulsi chadhaye.
6. Katha Na Kare To Kya Hoga?
Shastro me kaha gaya hai ki Janmashtami par agar janm ki katha nahi sunte ya pooja nahi karte, to vrat adhura mana jata hai. Jeevan me santan sukh me badha, man ashant rehta hai. Krishna ki katha sunne se saare paap nasht hote hain aur ghar me sukh-samridhi aati hai, isliye aadhi raat ko katha jarur sunni chahiye.
