Aaj Shanivaar ko Dasha Maa, Shanidev, Shiv puja aur Hindola ka mahasanyog hai. Janiye Shanivaar vrat katha, puja vidhi, mantra, bhog aur laabh.
Shanivar Ko Dashama, Shani Dev, Shiv Pooja aur Hindola Darshan Ka Sahyog Kyon Khaas Hai?
Sawan mahine me aane wala Shanivar sabse bada Shanivar mana jata hai. Is din 4 shubh sanyog ek saath bante hain:
1. Maa Dashama ka vrat.
2. Shani Dev ki pooja
3. Bhagwan Shiv ka jalabhishek
4. Thakorji ka Hindola Darshan
Jo bhakt is din chaaro ki pooja ek saath karta hai, uske jeevan se Shani dosh, Garibi aur Sankat teeno khatam ho jate hain.
Pooja Samagri
1. Maa Dashama ki murti / photo – Chundi, Mehendi, Kajal
2. Shani Dev ke liye – Sarson ka tel, Kaale til, Lohe ki chhoti murti
3. Shiv Ji ke liye – Gangajal, Belpatra, Safed phool
4. Hindola Darshan ke liye – Phool mala, Zula sajane ka samaan 5. Ghee aur Tel ke 2 diye Your Attractive Heading
Sahyog Pooja Vidhi –
Shanivar ko subah snan karke Maa Dashama ki chowki lagaye. Dashama ko laal chundi chadhaye, mehendi, kajal lagaye. 10 din tak Dashama ki kahani sunna shuru kare. Bhog me gehu ke aate ka halwa banaye.
Sawan hai isliye Shivling par Gangajal aur Kacha doodh chadhaye. 11 Belpatra par chandan se “Om” likh kar chadhaye. Mantra bole – “Om Namah Shivaya”
Peepal ke ped ke neeche ya Shani mandir me sarson ke tel ka diya jalaye. Kaale til, Kaale udad chadhaye. Shani mantra ka jaap kare – “Om Sham Shanishcharaya Namah” – 108 baar.
Raat 8 baje – Hindola Darshan:
Ghar par Thakorji (Laddu Gopal) ko Hindola (Zula) me bithaye. Phool se Hindola sajaye aur bhajan karte hue zula jhulaye. Ye Sawan ke Hindola utsav ka mukhya bhaag hai.
Shanivar Dashama Vrat Katha
Ek samay ek nagari me ek seth rehta tha. Uski bahu Dashama Mata ki badi bhakt thi. Wo har saal Dashama ka vrat karti thi.
Ek baar Sawan ke mahine me Shanivar ke din Dashama ka vrat aaya. Bahu ne vrat rakha par uski saas ne uska apmaan kiya aur kaha – “Ye Dashama vashma kuch nahi hota.”
Bahu ro kar Maa Dashama ke mandir me chali gayi aur wahi pooja karne lagi. Tabhi waha Shani Dev prakat hue aur bole – “Beti, tumhari saas ne Shani aur Dashama dono ka apmaan kiya hai, isliye ab uske ghar me garibi aayegi.”
Dusre din seth ka saara vyapar doob gaya.
Saas ko apni galti ka ehsaas hua. Wo bahu ke pairon me gir gayi aur maafi mangi. Bahu ne kaha – “Maa Dashama, Shani Dev aur Shiv ji teeno ki maafi mango.”
Saas ne Sawan ke poore mahine Shanivar ko Dashama ki katha suni, Shani Dev ko tel chadhaya aur Shiv ji ko jal chadhaya aur Thakorji ko Hindola jhulaya.
Prassann hokar Maa Dashama ne uska khoya hua dhan wapas de diya. Tab se Shanivar ko Dashama aur Shani Dev ki sanyukt pooja hone lagi.
Is Sahyog Pooja Ka Fal
Dashama ka Fal:
Ghar me sukh-samriddhi aur akhand saubhagya milta hai.
2. Shani Dev ka Fal
Sade Sati, Dhaiya aur Shani dosh khatam hota hai. Naukri me aa rahi rukawat door hoti hai.
Shiv Pooja ka Fal:
Kaal sarp dosh aur rog se mukti milti hai.
4. Hindola Darshan ka
Ghar me Krishna bhakti badhti hai aur bachchon ka man padhai me lagta hai.
Ye chaaro pooja ek saath karne se ek hi din me chaar vrato ka fal mil jata hai.
Shanivar Ko Kya Na Kare
Is din jhooth na bole aur kisi ka dil na dukhaye.
2. Dashama vrat me namak ka sevan na kare.
3. Shani Dev ki pooja me unki aankhon me na dekhe,
unke charno me dekhe.