Ravivaar Surya Dev Pooja Vidhi

Aaj Shravan Ravivaar Surya Dev Pooja Vidhi! Janiye Ravivaar vrat, surya ko jal chadhane ki vidhi, mantra, laabh, Thakorji Shrinathji darshan, Shravan Ravivaar katha. Jai Surya Dev!

Ravivar ka din Surya Dev ko samarpit hai. Surya Dev ko pratyaksh devta mana jata hai jo hume roshni, urja aur jeevan dete hain. Ravivar ke din vidhi-vidhan se Surya Dev ki pooja karne se maan-samman, sarkari naukri aur aankhon se judi samasyayen door hoti hain.

Jo vyakti har Ravivar vrat rakhta hai, uske jeevan me kabhi andhera nahi aata.

Shastro me Surya Dev ko Navgraho ka Raja kaha gaya hai. Agar kundli me Surya kamjor ho to vyakti ko har kaam me asafalta milti hai. Ravivar ka vrat karne se Surya Grah majboot hota hai aur pitra dosh se bhi mukti milti hai.

1. Tambe ka lota jal ke liye

2. Kumkum, Roli, Akshat

3. Lal phool (Gudhal ka phool sabse uttam hai)

4. Ghee ka diya aur dhoop

5. Gehu, Gud aur Lal vastra

1. Subah ki Taiyari:

Ravivar ko subah Brahma muhurat me uth kar snan kare. Snan ke jal me thoda Ganga jal milaye.

2. Surya ko Arghya Dena:

Ek tambe ke lote me jal le, usme kumkum, akshat, lal phool aur thoda gud dal le. Ab ugte hue Surya ki taraf mukh karke dheere-dheere jal chadhaye. Jal chadhate samay is mantra ka jaap kare – “Om Ghrini Suryaya Namah”

Dhyan rakhe ki Arghya dete samay jal ki dhara ke beech se Surya Dev ko dekhe.

3. Pooja Karna:

Arghya dene ke baad ghar ke mandir me Surya Dev ki murti ya chitra ke samne ghee ka diya jalaye. Lal phool, akshat, roli se pooja kare aur gehu aur gud ka bhog lagaye.

4. Vrat Katha Sune:

Pooja ke baad Ravivar Vrat ki katha zarur sune. Bina katha sune vrat adhura mana jata hai.

5. Bhojan

Is din ek hi samay namak ke bina bhojan kare. Bhojan me gehu ki roti, dal aur gud ka sevan kare.

Prachin kaal me ek budhiya har Ravivar ko Surya Dev ka vrat karti thi aur sham ko Surya ki katha sun kar hi bhojan karti thi.

Ek din uske gaon ke mukhiya ki beti uske ghar aayi. Budhiya ne use katha sunne ko kaha par usne katha ko mahatva nahi diya aur bina sune hi ghar chali gayi.

Isse Surya Dev naraz ho gaye. Us ladki ke ghar me daridrata aa gayi. Uske pita ki saari sampatti khatam ho gayi.

Tab us ladki ko apni galti ka ehsaas hua. Wo budhiya ke paas gayi aur maafi mangi. Fir usne poore vidhi-vidhan se 12 Ravivar tak lagatar vrat kiya.

Uske sacche man se kiye gaye vrat se Surya Dev prassann hue aur uska khoya hua sab kuch wapas mil gaya. Isliye kaha jata hai ki Ravivar ki katha kabhi adhuri nahi chhodni chahiye.

1. Maan-Samman me Vriddhi

Surya majboot hone se samaj me izzat badhti hai.

2. Sarkari Naukri

Jo log sarkari naukri ki taiyari kar rahe hain, unhe ye vrat avashya karna chahiye.

3. Swasthya Labh

Aankho ki roshni tez hoti hai aur chamdi ke rog door hote hain. 4

4. Pitra Dosh se Mukti:

Surya pitro ke karak hain, is vrat se pitra prassann hote hain.

1. Is din kaale vastra na pehne, lal ya narangi rang ke kapde pehne.

2. Is din namak ka sevan na kare.

3. Arghya hamesha ugte hue Surya ko hi de.