Bal Choth Vrat katha pooja,vidhi or mhatva

Aaj Sawan Somvar aur Bol Choth hai! Janiye Bol Choth vrat vidhi, Sawan Somvar Shiv pooja, katha, laabh, Gau mata pooja aur Thakorji darshan mahatva.

Sawan ka mahina Bhagwan Shiv ko sabse priya hai. Is mahine me aane wali Chauth ko Bol Choth ke naam se jana jata hai. Is din vivahit mahilayen apne putra ki lambi umra aur parivar ki sukhi samriddhi ke liye vrat rakhti hain. Ise Bahula Chauth bhi kehte hain.

Maanayta hai ki is vrat ko karne se Gaay aur Bachde ki tarah maa aur bete ka rishta hamesha majboot rehta hai. Is din bhul kar bhi Gaay aur uske bachde ko kasht nahi dena chahiye aur gehu se bani chizo ka upyog nahi karna chahiye.

1. Mitti se bani Gaay aur Bachde ki murti

2. Akshat, Roli, Kumkum

3. Jowar ki roti aur dahi

4. Ghee ka diya

5. Mehendi, Chudiyan

1. Subah jaldi uth kar snan kare aur vrat ka sankalp le.

2. Sham ko nadi ya talab ke kinare ja kar ya ghar par hi mitti ki Gaay aur Bachde ki murti banaye.

3. Unki Roli, Akshat se pooja kare.

4. Jowar ki roti par ghee laga kar uska bhog lagaye.

5. Iske baad Bol Choth ki katha sune.

6. Katha sunne ke baad hi bhojan kare. Bhojan me gehu ka upyog na kare.

Prachin kaal me ek sahukar ki bahu thi. Wo Bol Choth ke din gehu saaf kar rahi thi. Tabhi uska bachda waha aaya aur gehu khane laga. Bahu ne gusse me use chimte se maar diya jisse bachda mar gaya.

Ye dekh kar Gaay bahut dukhi hui. Bahu ko apni galti ka ehsaas hua. Usne Gaay se maafi mangi aur poore din vrat rakha aur Gaay-Bachde ki pooja ki.

Uske sacche man se kiye gaye vrat se prassann hokar Gaay ne uske bachde ko jeevit kar diya. Tab se is vrat ka niyam bana ki is din gehu nahi khaya jata aur Gaay-Bachde ki pooja ki jati hai.

1. Putra ki lambi umra hoti hai.

2. Parivar me sukh samriddhi bani rehti hai.

3. Gaay Mata ka aashirwad milta hai.